أنا واللي حواليه

Wednesday, April 25, 2007

back

ياه بقالي كتير قوي مقعدتش قدام شاشة الكمبيوتر ..آسفه بعتذرلكو عن الغياب الطويل ده بس حقيقي أنا كنت مشغوله الفتره اللي فاتت دي .. أول حاجه عايزه أقولها يمكن تكون بالنسبه لناس كتير حاجه تافهه بس بالنسبالي أنا حاجه كبيره قوي .. أنا ماعدتش تخينه صحيح لسه وزني زايد بس مش سمينه ودا حسب معامل كتلة الوزن .. أنا المعامل بتاعي نزل تحت التلاتين .. أخيرا أخيرا .. وان شاء الله هتخلص من الزياده الباقيه دي .. أعتذر لكلابيز من أجل التغيير فأنا لم أعد كلبوزه ولكني مازلت معاهم بقلبي .. أنا سعيده جدا
ولمن لا يعلم ما هو معامل كتلة الوزن
المعامل=الوزن بالكيلوجرام مقسوما على مربع الطول بالمتر
اذا كان من عشرين الى خمسه وعشرين فأنت وزنك مثالي
اذا كان من خمسه وعشرين الى تلاتين فأنت وزنك زائد
اذا كان من تلاتين الى اربعين فأنت سمين
اذا كان فوق الاربعين فأنت سمين بشكل مرضي
دي اول حاجه كنت عايزه أقولها
نشد خط بقى
ـــــــــــــــــــــــــــــــــــــــــــــــــــــــــــــــــــــــــــــــــــــــ
الفتره اللي فاتت جت مواضيع كتير على بالي وكنت عايزه أكلمكو فيها بس مكنش عندي وقت ودلوقتي للأسف أنا مش فاكره انا كنت عايزه اكلمكو في ايه بس في موضوعين شدوني من كام يوم وهما دول اللي هكلمكو فيهم
نشد خط تاني
ـــــــــــــــــــــــــــــــــــــــــــــــــــــــــــــــــــــــــــــــــــــــــ
أول موضوع هو قصه كنت قريتها في بريد الجمعه .. الجمعه قبل اللي فاتت اسم القصه تابوت امرأه.. باختصار القصه بتتكلم عن بنت اختارت انها تعمل كل اللي هي عايزاه في فترة الجامعه تحت مسمى الحريه الشخصيه .. المهم مشيت مع ولد وعملوا كل اللي نفسهم فيه في فترة الجامعه في منتصف الفتره دي جت بنت تانيه متدينه نصحت البنت صاحبة القصه وقالتلها ان تصرفاتها مش كويسه وهدومها وبرفانها ومشيها مع الولد وكل ده المفروض تبطله .. ردت عليها صاحبة القصة انها حره وان دي حريه شخصية وانتهى الموقف على مرأى ومسمع من الولد اللي هي ماشيه معاه .. جه بقى الولد ده في السنه النهائيه بعد عن صاحبة القصه وهي تساءلت في داخلها عن السبب وفجأه وهي خارجه من لجنة الامتحان لقت الولد ده ماشي مع البنت التانيه ماسكين ايد بعض .. المهم صاحبة القصه دي تقريبا شلء فراحت منفضه البنت التانيه وفكت ايديهم اللي ماسكينها في بعض دي .. قام الولد دا بقى قالها ايه .. اسمعو وعوا
ماتحوليش تتعرضيلها تاني علشان دي هتبقى مراتي على سنة الله ورسوله وأفتكر اني عمري ما وعدتك بالجواز أو حتى بالخطوبه ؟؟الحب حاجه جميله قناع بنلبسه علشان نمشي مع دي و دي و دي ونعيش حياتنا لكن ساعة مانقول يا جواز لازم نختار البنت اللي تصون شرفنا ست البيت اللي نستأمنها على أولادنا وعرضنا في غيابنا .. ايه اللي يضمنلي انك ما تحبيش واحد بعد الجواز وتخونيني وأفضل نايم على وداني زي ما أهلك كانوا نايمين على ودانهم وميعرفوش لحد دلوقتي ان بنتهم كانت بتخرج وتلف مع واحد ميربطهاش بيه أي شيء ..و بعدين انا أخدت منك كل اللي انا عايزه من غير جواز وعشت أيامي .. وانت كمان عشت أيامك وبصراحه خلاص زهقت منك كل حاجه كنت بطلبها منك كنت بتنفذيها لكن مش معنى كده اني ادبس فيكي أو أتجوزك وأقول القدر انت اللي زيك مالهاش امان أنا ماتجوزش واحده مشيت معاها وسيرتها جت على كل لسان .. أنا لو بعد الشر اتجوزتك أولادي هيشربوا منك الأخلاق المنحطه دي ولو بعد الشر حصل ده ربنا مش هيبارك لنا لأننا أغضبناه ..أنا الحمد لله دلوقتي ربنا رضي عني وبصلي الفرض بفرضه في الجامع .. اخترت الانسانه اللي هتصونني وتصون شرفي وهتربي اولادي على الدين والأخلاق ..صحيح انت اجمل منها بكتير لكن هي أعلى منك بأخلاقها وأدبها وتدينها
خلص الكلام ودمي اتحرق .. هعلق على كلامه كلمه كلمه .. أولا الحب مش قناع يا أمور الحب حقيقه أسمى من ان واحد وضيع زيك يفهمها وماهواش قناع ولا حاجه .. ادعاء الحب هو اللي قناع بيستخدموا الوضعاء أمثالك علشان يضحكوا على بنات الناس كل حاجه كنت بتطلبها كانت بتنفذها لأنها كانت بتحبك يا حمار واللي يضمنلك انها متخونكش انها بردو كانت بتحبك ..طبعا أنا مش بقول انها صح وان المفروض لما واحده تحب واحد تنفذله كل رغباته وان أغضبت ربنا .. أنا بس مش فاهمه المنطق اللي هو بيتكلم بيه وطالما انت مبتتجوزش واحده مشيت معاها كنت بتمشي معاها ليه في الأصل .. أنا مش فاهمه يعني وبعدين خايف على أولادك يشربوا الأخلاق المنحطه دي منها انا عايزاك تطمن خالص أولادك هيشربوا الأخلاق المنحطه منك انت .. وطالما انت شايف انها مش زوجه مناسبه ليك كنت بتمثل عليها الحب ليه ؟؟؟ وبعدين بتقول أنا ربنا رضي دلوقتي عني عرفت منين انو رضي عنك يا ناصح ..وبعدين انت لو صحيح مبتغي وجه ربنا ياللي عامللي فيها الشيخ الشعراوي كنت طلبت من صاحبة القصه انها تتوب وتبقى زيك وهي على حد كلامك مكانتش هتأخرلك طلب وتحاول ترشدها للطريق الصح وتستر عليها فضيحتها اللي انت السبب فيها .. وبعدين يا شاطر ياللي عارف دينك حد الزنا واحد في الست وفي الراجل ودا يعني لو هي أخلاقها منحطه فانت كمان أخلاقك منحطه مش علشان انت راجل وهي بنت فانت تمام ومعليكش عيب وهي المنحطه ..لو انت بتفكر كده يبقى انت متعرفش حاجه في دينك يا شاطر لأن الدين ساوى بين الاتنين هو زاني وهي زانيه.. بالعكس بقى كمان أنا شايفه انك منحط اكتر منها لأنك كنت بترسم عليها الحب علشان تنال غرضك انما هي لما كانت بتسلم ليك نفسها كان ده باسم الحب .. انا عارفه ان ده زنا وده زنا والعقوبه واحده بس على الأقل هي كانت في حالة ضعف وهو الحب .. المستفز بقى في الموضوع البت المتدينه .. ليه البنت دي رضيت تتجوز الولد ده مع انها عارفه أخلاقه .. وفرضا حتى انه تاب مش كان المفروض انها تنصحه انه يصلح غلطته مع البنت اللي قضى عليها دي بدل ما تروح تتجوزه .. يعني الواحد بيشوف حاجات غريبه والله .. جتهم الهم كلهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نيجي بقى للموضوع التاني اللي استفزني بردو وهو مقال منشور في الدستور الاسبوعي العدد ما قبل الماضي .. ههه معلش كل أخباري بايته كده
المهم في العدد ده عدد تمنتاشر ابريل في صفحه تلاتاشر تحت عنوان (كح كح عن دخان الشيشه البناتي نتحدث .. مساء الخير ) وهو هنا ميقصدش الشيشه العنب هو يقصد البنات اللي بيشربوا الشيشه .. المهم كتبلنا الأستاذ محمد خلف الشمري من الكويت bofahad42@hotmail.com
بيقول ايه بقى الأستاذ محمد .. المقال كله انتقاد للبنات اللي بيشربوا شيشه .. كنت عايزه أسيب المقال من نصه لأنه مجبش جديد بس استمريت في قرايته وأنا أبحث عن كلمه واحده تنتقد سلوك شرب الشيشه عامة مش شرب البنات خاصة للشيشه .. المهم المقال خلص ومفيش ولا كلمه تذم في الشيشه نفسها وكأن الشيشه في حد ذاتها سلوك عادي أو مقبول ولكنه غير مقبول فقط حين يصدر من الجنس الناعم .. أنا هنا عايزه أشهدكو على حاجه .. عدد مين أكتر الرجاله اللي بيشربوا شيشه ولا البنات ؟؟ يعني لما يكون مثلا خمسين في الميه من الرجاله بيشربوا شيشه وعشره بس في الميه من البنات بيشربوا شيشه مين الأولى اننا نخصه بالنقد ؟؟ أنا مكنتش هزعل من المقال لو انه ذكر ان الشيشه دا سلوك غير حضاري وضار بالصحه لكلا الجنسين وبعدين بعد كده خص الستات بالكلام .. انما المقال من اوله لآخره عن الشيشه البناتي؟؟؟؟ طيب تيجي ازاي اذا كانوا هم أصلا أقليه في المستخدمين للشيشه ؟؟
اللي يعيش ياما يشوف والله ..
وعلشان محدش يقول اني بدافع عن البنات الي بيشربوا الشيشه .. أنا ضدهم وضد الشيشه بشكل عام وضد الرجاله اللي بيشربوا الشيشه وكل علاقتي بيها اني بحب ريحة الشيشه المعسل .. ويللا بقى كفايه كده أكيد زهقتوا خاصة انكو مش متعودين مني على البوستات الطويله دي
وفي النهايه أحب أقولكو انكو كنتو واحشني جدا وعايزه أشكر كل اللي علقوا على البوست اللي فات وكل اللي فتح صفحتي ودور على بوست جديد وخاصه ميرسي جدا جدا لمزمز على اهتمامه الدايم وأحب أشكر بابا و ماما وتيته وعمو صلاح وتانت مريم وابعت سلامي لأهل البحيره كلهم وأحب أهديلهم أغنية ست الحناين يا نانايا انتا

16 Comments:

  • حمد الله عالسلااااااااامة

    مبروك الخسسان

    أنا فاهمك تماما وعارف إن دي ممكن تبقى نقطة تحول في حياتك

    عقبالي

    بس كده انتي مكنتيش كلبوزة أوي يعني

    أمال أنا أعمل إيه

    بالنسبة لقصة الولد والبت فدي تعبر ببساطة ووضوح عن الازدواجية التي يعيشها الشباب للأسف والنظرة الدونية للمرأة التي تسيطر حتى على الإناث أنفسهم ومثال ذلك الفتاة المتدينة التي لم تجد غضاضة في مصادقة الساب المنحرف أخلاقيا هذا وهي تعرف فضائحه ولكن هو مرفوع عنه التكليف لمجرد أنه ذكر

    بالنسبة للود نفسه فهو حقير وشديد الازدواجية ومناافق

    من فترة قريبة جدا كنت بناقش أخويا الصغير اللي هو ف أولى ثانوي حوالين موضوع زي ده

    كان الدافع للمناقشة هو فيلم أوقات فراغ وقصة الشاب مع البنت اللي غلط معاها وبعدين رفض يتجوزها عشان هو بيقول منطقه بكل بساطة إن الواحد عمره ما يرضى يتجوز غلط معاها

    طبعا قمة الازدواجية والغباء

    أمال هو عايز يتجوز واحدة تكون متربية في جامع مثلا ومطهرة لم تكلم رجلا قبله؟

    ازاي يعني أمال الشباب المتدين هيتجوز مين؟

    بعدين ليه هو برغم إنه كان حشاش وبيشرب خمرة وبينام مع عاهرات شايف إنه يستحق واحدة أحسن من البنت دي مثلا

    مع إن المنطقي بقى إن هي اللي تستاهل واحد أحسن منه

    أنا ده كله بتكلم عن الفيلم بتاع اوقات فراغ

    والقصة اللي حكيتيها لا تختلف كثيرا عن هذه القصة

    بصراحة الموضوع فيه أبعاد كتير أوي عايزة تتناقش ومش بس الازدواجية والغباء في مشاكل كتسر جدا في القصة دي مش أصغرها الكبت مثلا أو التدين الظاهر بتاع الشكل

    عموما كفاية بقى لحسن طولت عليكي

    ميرسي يا ستي على الإهداء الأخير ده

    مع إنه لا شكر على واجب
    :)))

    By Blogger مُزمُز, At April 26, 2007 at 10:19 PM  

  • post gameel
    hagy tani wktb comment taweel 3leh

    By Anonymous Mohamed, At April 27, 2007 at 3:22 PM  

  • جميل انا كلمت كل الناس على قصة بريد الجمعه
    الموضوع يا شريهان شاب وضيع وبنت رخيصه
    سيبك من المجتمع والكلام الفارغ ده الولد كان وضيع معاها لاجدال
    وهي كانت بنت رخيصه مستعمله لا جدال بردو
    بس بجد انا بسالك الوضيع لما يتوب ليه يتجوز رخيصه؟؟

    لان هو اللي خلاها رخيصه؟؟؟؟
    لا الرخص ده بيبقى فيها
    يعني هي رخيصه سواء معاه او مع غيره
    هي داخله الجامعه وعارفه انها بتسوق نفسها لبست ضيق وغيره

    طيب انتي رايك انه يجوزها
    تفتكري هيعرف يعيش معاها؟؟؟
    اشك

    By Blogger عبدالله مفتاح, At April 27, 2007 at 5:41 PM  

  • مزمز
    أولا منور
    ثانيا انا متفقه معاك في كل كلامك ومطولتش عليّه ولا حاجه بالعكس أنا بنبسط من التعليقات الطويله لأنه كلما طال فده معناه انك مهتم لأنك أخدت من وقتك وجهدك وقعدت تكتب لي رد
    وميرسي على تشريف سيادتك :)))



    محمد
    مستنياك متتأخرش




    عبدالله مفتاح
    طيب أنا هفرض فرض جدلي .. فرضا هي حملت منه هل بمجرد توبته ينتهي كل علاقته بيها ويبقى من حقه انه يتجوز واحده جديده نوفي؟؟؟
    نرجع تاني للموضوع الأصلي فهي لم تحمل منه ولكنه انتقض عذريتها ومش معنى العذريه هنا يعني الغشاء أنا أقصد أول ممارسه جنسيه لها .. هو الأول و الوحيد في حياتها الجنسيه فأظن ده يخلي لها حق عليه .. حق انه يصلح غلطته معاها .. أصلها مش غلطتها لوحدها ومش من حقه انه يخليها تشيل العواقب كلها لوحدها .. هو اختار انه يغلط معاها اذا يتحمل نتيجة غلطته .. مش مشكلتنا بقى انه تاب .. قبل ما يتوب هو ارتكب خطأ أثره ممتد اذا لو هو عايز يتوب فعلا يصلح الغلطه اللي أثرت في حياة الناس التانيه .. على الأقل يتجوزها ويطلقها أنا مش هلزمه انه يكمل حياته معاها .. يحاول يغيرها ويخليها تتوب نجح نجح ما نجحش يطلقها .. ربنا لما بيغفر بيغفر كل شيء ماعدا ظلم العبد للعبد لازم العبد يغفر الأول .. وهو هنا ظلمها .. ظلمها لأنه خلاها لوحدها تشيل نتيجة خطأهم هم الاتنين ولعلي مش هكون طالمه لو قلت انه خطأه هو بنسبه أكبر .. لأنه هو اللي خطط وسعى وأكيد هو اللي طلب منها ..
    مش جديد اننا نختلف :)) احنا مختلفين على طول الخط
    ياريت تكون اقتنعت بكلامي ولو اني مظنش

    By Blogger sherehan84, At April 27, 2007 at 6:33 PM  

  • الولد تفكيره تفكير تقليدي و منتشر ، شخصية مرطرطة يعني.

    انما اللي فاقع مرارتي بجد البنت المتدينة :] ، أغلب الظن انها معتقدة حاليا أنها كسبت الجولة الأخيرة، طبعا بفضل تدينها ، أكيد هي تستحق النصر ، و يمكن فاكرة أنها كسبت ثواب كمان في الولد عشان أبعدته عن طريق الانحراف ، و هيبدأوا مع بعض صفحة جديدة مليانة خير و فضيلة و تقوى !!!!

    أنا أعتقد حاجة من اتنين. يا اما هيه كان عاجبها الولد من الأول و حاولت تلف عليه. و المحاضرة اياها كانت ظاهريا للبنت لكن فعليا بستفة له هو على سوء اختياره. و في الحالة دي تبقى منافقة ، و مجرد واحدة بتغير على واحد.

    يا اما هوه اللي أعجب بيها بعد ما محاضرتها أثرت فيه. و في الحالة دي تبقى انسانة غريبة دوافعها غير مفهومة ، لأنها وافقت ترتبط بواحد هوائي مختلف عنها. مافيش تفسير لكدة غير انها عايزة تثبت انتصار ما (معقدة) يا اما عينها عليه من الأول (منافقة تاني).

    غريب أوي ان بعض الناس بيحاولوا يجمّلوا قصة قديمة (حب و غيرة) باضفاء أبعاد أخرى عليها و اقحام الدين و القيم في الموضوع.

    By Anonymous someone, At April 27, 2007 at 7:34 PM  

  • مزمز فين البلوج بتاعك؟؟؟ راح فين؟؟؟؟

    By Blogger sherehan84, At April 27, 2007 at 8:40 PM  

  • السلام عليكم
    أولا حمد لله علي السلامة
    و ياريت ترجعي علي طول

    ملحوظة عامة بالنسبة للأتنين
    مشكلة مجتمعنا أنه بيفرق بين البنت و الولد يعني مثلا لو في ولد في الكلية و بنت أتصلت به تحسي إنه فتح عكا و لو حصل كده من أخته تبقي نهاية الدنيا
    مشكلتنا الكبيرة إن في حديث لسيدنا محمد محدش بيفتكره خالص و هو لا يؤمن أحدكم حتي يحب لأخيه ما يحبه لنفسه
    لو سألتي الولد أنت تحب أن أختك تعمل كده سواء حب و لا مش حب هيقولك لا طبعا

    مش عاوز أدخل في التفاصيل
    بس البنت غلطانة و الولد غلطان و الأهل قبلهم و المجتمع كله مش كلام كبير و الله بس دي الحقيقة و مشكلتنا الكبيرة هي التقليد الأعمي المتخلف و اللي بنختار فيه كل شئ سئ من الغرب و نترك كل ماهمو مفيد
    معلش مش هعلق علي الموضوع التاني علشان أنا طولت
    حمد لله علي السلامة مرة تانية
    و ياريت البوستات بتاعتك متتمسحش غلط تاني

    By Blogger No Fear, At April 28, 2007 at 8:20 AM  

  • إنتى عارفة يا شريهان


    دى أقل حاجة عندى


    ههههههههههههههه


    يابنتى دعى الخلق للخالق


    الناس كلها غلطانة

    بس معلش

    خليها عليكى المرة دى


    وعادى بقة
    أودى

    ويلكم باك

    By Blogger ody911, At April 29, 2007 at 3:54 PM  

  • آه نسيت أقولك على حاجة أنا 19.6


    دة يبقى ضمن الوزن المثالى ولا إيه ؟؟؟


    وعادى برضوا
    أودى

    By Blogger ody911, At April 29, 2007 at 3:54 PM  

  • تحياتي

    أنا قرأت الموضوع في العدد الاسبوعي للاهرام...
    و أتفق معك علي نقدك اللاذع لتصرفات الشاب الاخرق.

    و لكن...كنت منتظر منك ايضا ان تنتقدي تصرفات الفتاه المستهترة... الحب مش سبب لان تسلم الفتاه نفسها.. الحب شعور جميل يكتنفنا... و لما يبقي فيه جنس يبقي لازم يسبقة زواج... اولا لاننا كلنا نعلم ان الجنس بدون زواج حرام...
    لكن أيضا لابد للجميع ان يعلم ان الاوقات القليلة التي يستمتع بالمعصية فيها... ستقابلها اوقات طويلة من الندم و الاحساس بالذنب...ان كان آجلا ام عاجلا...
    أيضا التبعات الادبية التي تترتب علي مثل هذه العلاقة الحسية البحته تحت ستار الحب .

    تحياتي و يمكن البوست بتاعك يكون له أثر كبير في ان يكون كل من البنات و الاولاد حذرين و يحافظوا علي انفسهم..لان بدون شك التلوث يصيب الاولاد كما البنات.

    By Blogger الربان, At April 30, 2007 at 7:59 AM  

  • حمد الله على السلامة .. طولتي الغيبة قوي .. والبوست ده كمان

    هههههههه

    أولا أشكرك على معلومة معامل الوزن دي .. حقيقي كنت بأدور عليها من زمان .. وخصوصا إني إكتشفت كده إني عديت الخمسة وعشرين بشوية

    أما قصة الولد والبنت .. ففعلا حاجة غريبة جدا إن الولد يتصرف كدة والأضل منه البنت المدينة أو عاملة متدينة .. تخيلي بقى إن في الموقف ده أنا شايف - بعيدا عن المنظور الديني اللي إحنا متفقين عليه ولا نختلف عليه - إن البنت الضحية أنبل من الإتنين التانيين

    عموما عود حميد

    By Blogger يا مراكبي, At April 30, 2007 at 1:15 PM  

  • someone
    أنا متفقه معاك انها شخصيه مرطرطه ولكن ألا تظن معي انها لا تأخد نصيبها الكافي من التقريع في مجتمعنا .. دا ان مكنتش بتاخد اطراءات لأنه الولد المفتح المطأطأ بتاع السمكه وديلها .. البنت المجتمع بيلومها بيقطعها وبياخد بتاره منها وتار الأخلاق والقيم والدين وكل حاجه .. أما الولد فهو عايش راسه مرفوعه والناس بتبصله بصة اجلال وتقدير مع انه كلب ولا يستاهل
    المتدينه دي أنا كمان مرارتي اتفقعت منها .. وأيا كان اللي جواها وأيا كان هي كانت بتفكر ازاي بس تصرفها خاطيء ميه في الميه .. ازاي تتجوز واحد هي عارفه انه قضى على مستقبل واحده ازاي تتجوزه دا وهي عارفه انه زاني .. وكمان مصلحش غلطته مع البنت التانيه .. تفكير غريب .. يعني الولاد اللي في الدنيا خلصوا مفيش غير الزاني ده..
    وشكرا لوجودك وتعليقك




    no fear
    متفقه معاك تماما ان البنت غلطانه والولد غلطان والمجتمع كله غلطان ..
    للأسف المشكله دي مشكلة مجتمع في المقام الأول .. لو كان عندنا في مجتمعنا مبنبصش للولد على انه (فتح عكا) لما يكلم بنت ويبص للبنت على انها واطيه و منحله كانت الأحوال اتصلحت .. لو المجتمع فكر في كل بنت بيجرالها كده على انها بنته وأخته وأجبر الكلب ده انه يتجوزها كان كل واحد فكر ميت مره قبل ما يحوم حوالين واحده بقصد اغواءها .. وعلى فكره لو جوزناهم لبعض مش هنبقى بنظلم أي منهم فهي على شاكلته وهو على شاكلتها والغلطه دي غلطتهم سوا يبقى يتحملوا نتيجة خطأهم
    وحضرتك مطولتش ولا حاجه خد راحتك خالص في التعليق





    ody911
    خلاص خليها عليّه المره دي ههههه
    وبالنسبه لوزنك انت كده underweight
    لازم تتختخ شويه .. مش فاهمه انا ايه الناس اللي مقاطعه الأكل دي .. يبني مفيش أحلى من الأكل .. الأكل ده متعه
    ونورت يا أودي





    الربان
    أنا مقصدتش أقول ان الولد غلطان والبنت ملاك فكلاهما مخطيء .. ولكن المجتمع لام الفتاه بما فيه الكفايه ويكفيها الحياه كالموت اللي هي عايشاها مش هاجي أنا كمان الوم فيها .. وأنا مقولتش ان الحب معناه ان البنت تسلم نفسها للولد .. أنا بس بقول لو بصينا للموضوع بعيد عن المنظور الديني هنلاقي ان البنت مش ملامه بقدر الولد لأن البنت فعلت كده بدافع الحب انما الولد فهو خطط وتكتك وقعد يرسم عليها تلات سنين ونص علشان الجنس ولا في حب ولا يحزنون .. هقربلك المثال أكتر اتنين مخطوبين في نهاية فترة الخطوبه بعد ما يكونو حبوا بعض أوي بتحصل بعض التجاوزات باسم الحب زي مثلا يمسك ايديها .. ممكن أكتر من كده شويه .. هنا المجتمع بيغفر لهم ده(برغم انه دينيا حرام) ليه لأنه باسم الحب ولأنه هيتبعه جواز .. أهي البنت دي بردو عملت كده بردو باسم الحب وافتكرت انه هيتبعه جواز انما الولد هو عارف من الأول انها تسالي .. وهدفه واطي من اول ثانيه لآخر دقيقه .. يارب تكون فهمت وجهة نظري
    وكنت أتمنى بصراحه ان الولد يتعاقب زي ما الفتاه اتعاقبت ..مش يتكافيء بزواجه من بنت متدينه .. أكيد ربنا هيعاقبه بعدله اللي شمل السماوات والأرض ولكن كنت أتمنى ان يشارك المجتمع في العقاب ده
    وشكرا على التعليق




    يا مراكبي
    منور يا باشمهندس :))
    الحق نفسك بقى وخليك قبل الخمسه وعشرين من أولها كده لحسن تلاقي نفسك فجأه عديت التلاتين ويظهر الكرش المتين وتبقى مصيبه .. ههههههههه
    والله كلامك جه في الجون .. بعيدا عن المنظور الديني اللي إحنا متفقين عليه ولا نختلف عليه - إن البنت الضحية أنبل من الإتنين التانيين
    يا سلام كلام جامد جدا
    احييك على كلامك وشكرا لمرورك وتعليقك

    By Blogger sherehan84, At April 30, 2007 at 3:51 PM  

  • الف مبرووك للعودة


    الحمد لله على لاسلامة

    By Anonymous طهقان, At May 2, 2007 at 10:28 AM  

  • مشكلة البنات اللى بيبقوا مش عندهم خبرة فى الحياة ان هما بيبقوا شايلين المشاعر اللى فى قلبهم للانسن اللى هنا هيحبوه - وده صح مقلناش حاجة - بس البنت بتخلط بين المشاعر النبيلة اللى المفروض تمنحها لحبيبها و بين الجنس - هى بتفتكر ان الحبيب يستاهل منها كل حاجة حتى جسمها - و طبعا لو فى واحدة بتفطر كده و ولد ابن حرام لقطها و مثل عليها قصة الحب - يبقى خلاص كل سنة و انتى طيبة فى البنت و الغشاء و كل حاجة. لازم البنت تعرف كويس ان هى لما تحب بتحب بقلبها و الانسان اللى بيبحها برده بيحب بقلبه و ده معناه ان الحاجات الجسدية ليها و قتها فى الاطار اللى حدده الشرع و اعراف المجتمع - يعنى ببساطة بعد لجواز.
    و لازم البنت تفهم ان الولد اللى بيحاول يمارس معاها الجنس من غير جواز مش بيحبها و لا حاجة لانه لو بيحبها بجد هيخاف عليها من اى سوء.
    معلش انا طولت عليكم بس عايز اكمل كلامى - انا خطبت بنت عن طريق الاهل و طبعا كانت اخلاقها عالية جدا و محترمة و من عيلة ممتازة و فيها كل المواصفات اللى انا عايزها ... كويس ؟
    المشكلة ان بمجرد ما اتخطبنا لبعض بدأت تعتبرنى جوزها لانها كانت بنت طيبة جدا و مش عارفة اى حاجة و مش لها خبرة فى الحياة - شوفوا بقى لو دى و قعت فى ايد حد ما عندوش ضمير كان عمل معاها ايه ؟
    طبعا انا نتيجة احساسى بيها كنت عارف ان هى بتعمل كده عشان حبتنى و انا كمان كنت بحبها - بس مش كنت باعمل معاها اى حاجة مش صح - قلت بعدين لما نتجوز ابقى اعمل اللى نفسى فيه
    البنت دى كانت اخلاقها كويسة مش وحشة - بس هى من البنات الى بتعتبر الانسان اللى بتحبه يستاهل ياخد اى حاجة منها لانها ادته قلبها فى الاول

    المهم - حصلت مشاكل عائلية و الخطوبة بازت بس الحمد لله هى خرجت من الخطوبى زى الجنيه الدهب عشان انا كنت مراعى نقطة زى دى

    بس صاحبة رسالة الجمعة و قعت فى واحد ما عندوش ضمير كان بيمثل عليها من الاول و صاحبتها باعتها عند اول كمين و سلمتها تسليم اهالى و يمكن هى اللى خلته يسيبها
    بس انا عاوز اقول ان احيانا البنت بتبقى من كتر الحب زى المسحورة و دى بقى لقطة للكلاب اللى عايزين ينهشوا اى حاجة و السلام
    طب و الحل ؟؟؟؟؟؟؟

    الحل انا قلته فى الاول لازم البنت تبقى عارفه القاعدة الذهبية اللى هى
    حب يعنى قلب
    و اللى عايز يتمتع بالجسد - يبقى بالحلال يا معلم

    فى الحلال يا معلم على رأى زينات صدقى

    بس

    By Anonymous Anonymous, At November 20, 2007 at 8:03 PM  

  • 情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

    情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

    By Anonymous Anonymous, At March 26, 2009 at 1:08 PM  

  • http://www.eg-girl.com
    دردشة شات بنت مصر , دردشة مصرية , شات بنات مصر , شات مصرى , شات بنات , بنت مصر , بنات مصر

    By Blogger ahmed, At December 28, 2009 at 6:57 AM  

Post a Comment

Subscribe to Post Comments [Atom]



<< Home