في ظروف غامضه تم اختفاء مدونة الأخ العزيز
مزمز وكمان المدونه الوليده بتاعة
يارا ولمن يعلم أي شيء عنهم برجاء الاتصال بزيرو سبع زيروهات ... بجد وحشتوني وزعلانه منكم اوي أوي أوي ...مزمز ويارا مش طايقاكم بس وحشتوني أوي
مش عارفه أقولكو ايه بس لو سمحتو ارجعوا
16 Comments:
انا أضم صوتي الى صوتك مفهمتش حاجة يا شريهان انا لما قررت اقفل المدون مزمز من اكثر الناس اللي حاولو يقنعوني بالعكس
و ايام بعدها يقرر يقفل المدونة
حراااااااااااام
تحياتي ليكي
By Amyra, At May 20, 2007 at 10:57 PM
طيب
الحقيقة بقى أنا بقالي شوية كده مش باخش على النت
يدوبك بفتح الميل يعني
بس الحقيقة جيتلك مخصوصا لما قريت إيميلك عشان أقوللك إني ما موتش وبالمرة أخدت جولة على المدونات الأخرى الصديقة
هو بصراحة مدونة يارا مهجورة من بدري من قبل حتى ما أفكر في مسح مدونتي هي تعتبر أصلا مدونتش لسة بس توقفت بمزاجها من زمان يعني يمكن زهقت أو مالقيتش حاجة تكتبهاأو رجعت في كلامها وقررت متدونش
بس كده
يعني ده فعلا مش غياب منظم
ده انتي بس اللي اكتسفتي متأخر إنها هجرت التدوين
مدونتي بقى انتهى عمرها الافتراضي وتقدري تقولي كده إن أنا زهقت
بس متزعليش نفسك بجد يعني عشان مزعلش أنا
باي باي
By مُزمُز, At May 21, 2007 at 2:18 AM
ملحوظة للعزيزة ندا
وأنا بناقشك كنت مقرر فعلا مسح مدونتي
واتأخرت يومين بسبب النقاش ما بيننا قلت مش معقولة أمسح المدونة وأنا بقوللك متمسحيهاش
ملحوظة كمان بقى معلش لشيريهان
أنا ممسحتش المدونة فجأة
أنا كتبت كده عندي
بس انتي اللي مش متابعة بقى:)
ملحوظة أخيرة لشيريهان برضه
ميرسي ليكي عالسؤال
إنتي جميلة:))
By مُزمُز, At May 21, 2007 at 2:32 AM
مزمز بجد أنا اتضايقت جدا والله
يمكن أنا مقريتش بوست الاعتزال أصلي بتجيلي حالات من البعد عن الكمبيوتر والنت زهق كده بس بعدها برجع على طول فلما دورت على المدونه ملقيتهاش .. وبقالي فتره بقول هييجي هييجي دا عطل فني دا مشكله في البلوجر بس اكتشفت الحقيقه المره
بجد اتضايقت واليوم كده بدأ بدايه مش ظريفه ..
By sherehan84, At May 21, 2007 at 2:05 PM
ملاحظة يا مزمز
انا مفهتش حاجة ...طب ليه تقنعني ؟؟؟
و انا لما قريت اول تعقيب ليك علية في مدونتك فهمت لكن كنت بحاول اعمل نفسي مش فاهمة
لو اتخنقت او زهقت
افهم شعورك
ابقى زورنا
:))))))
By Amyra, At May 21, 2007 at 2:58 PM
طبعا لازم نزعل لما حد يقفل مدونته أو يمسحها
وخصوصا لما يكون لينا معاها تاريخ من الكومنتات والزيارات والتواصل
شيء جميل التواصل
By tamer afify, At May 23, 2007 at 3:44 AM
تواصل جميل
By كراكيب عادل, At May 23, 2007 at 5:39 PM
أنا سعيد جدا بيكي .. علشان تعرفي بس إنك جميلة مش زي ما إنتي فاكرة
:-D
والأحلى وأحلى كمان هو التعليق بتاع مزمز هنا .. وفي الحقيقة هو ما سابش لينا فرصه نحلق نتكلم معاه قبل ما يقفل المدونة وخصوصا إن آخر كام بوست ليه كانوا ماشيين في السكة دي بوضوح .. أنا كنت متوقع إنه هيعمل حاجة زي كده
أرجو إنه يرجع لنا تاني .. إحنا المفروض نزيد مش نقل .. وشكرا ليكي يا دكتورة على الشعور الجميل ده
By يا مراكبي, At May 25, 2007 at 11:33 PM
في ظروف غامضة تم اختفاؤك
انتي فين يا بنتي؟
By مُزمُز, At June 2, 2007 at 4:38 AM
تامر عفيفي
شكرا على كلماتك
كراكيب عادل
شكرا على التعليق ..
يا مراكبي
ميرسي يا باشمهندس على كلامك اللطيف .. وكلنا منتظرين عودة مزمز
مزمز
أنا هنا بس الدنيا ملطشه معايا حبتين
بس متخفش أنا موجوده مختفتش يعني
بتابع من بعيد لبعيد لحيد ميسره
ميرسي على سؤالك
By sherehan84, At June 5, 2007 at 10:02 PM
هوة أنا دخلت مبنى القناه الثالثة ولا إيه .؟؟؟ظ
هوة مش دة برضوا برنامج التنويه عن المفقودين ؟؟؟؟
عادى بقة
المهم إنك بخير
أودى
By ody911, At June 6, 2007 at 3:01 AM
يا ريت تشرفينا
www.negma.blogspot.com
By واحدة و خلاص, At July 2, 2007 at 2:00 PM
يا ريت تشرفينا
www.negma.blogspot.com
By واحدة و خلاص, At July 2, 2007 at 2:01 PM
يعني علشان نروح ندور على مدونة مزمز
تختفي مدونة انا واللي حوليا
انت فين يا حاجة؟.
By طهقان, At July 9, 2007 at 6:19 AM
السلام عليكم
تعديل
أختفت في ظروف غامضة أخري مدونة شيريهان 84
أرجعي يا شيريهان
By No Fear, At July 9, 2007 at 4:42 PM
السلام عليكم
ياريت ترجعي تاني عالم التدوين مفتقدك بجد و علي ما أعتقد أنت كمان مفتقده هذا العالم الرائع
By No Fear, At August 10, 2007 at 3:27 PM
Post a Comment
Subscribe to Post Comments [Atom]
<< Home